நெல்லிக்காயிலிருந்து மதிப்பூட்டப்பட்ட பொருள் தயாரிக்கும் பயிற்சி

தமிழ்நாடு வேளாண்மைப் பல்கலைக்கழகத்தில் நெல்லிக்காயிலிருந்து மதிப்பூட்டப்பட்ட பொருட்கள் தயாரிக்கும் பயிற்சி வரும் செப்டம்பர் 24 மற்றும் 25 ஆகிய இரண்டு நாட்களில் நடைபெறவுள்ளது. இந்த பயிற்சி காலை 9. 00 மணி முதல் மாலை 5. 00 மணி வரை, அறுவடை பின்சார் தொழில்நுட்ப மையம், வேளாண்மைப் பொறியியல் கல்லூரி மற்றும் ஆராய்ச்சி நிலையத்தில் நடத்தப்படும்.

இந்த பயிற்சியில் நெல்லிக்காயிலிருந்து பல்வேறு மதிப்பூட்டப்பட்ட பொருட்களை தயாரிக்க கற்றுத்தரப்படும். அவற்றில் நெல்லி பானங்கள் (பழரச பானம் மற்றும் தயார் நிலை பானம்), நெல்லி ஜாம், தேன் நெல்லி, நெல்லி கேண்டி, நெல்லி மிட்டாய், பொடி மற்றும் துருவல் ஆகியவை அடங்கும். மேலும் விவரங்களுக்கு, பேராசிரியர் மற்றும் தலைவர், அறுவடை பின்சார் தொழில்நுட்ப மையம், வேளாண்மைப் பொறியியல் கல்லூரி மற்றும் ஆராய்ச்சி நிலையம், தமிழ்நாடு வேளாண்மைப் பல்கலைக்கழகம், கோயம்புத்தூர்- 641 003 என்ற முகவரியில் தொடர்பு கொள்ளலாம்.

தொலைபேசி எண் 94885 18268, மின்னஞ்சல் phtc@tnau. ac. in ஆகியவற்றின் மூலமும் தொடர்பு கொள்ளலாம் என நேற்று வேளாண்மை பல்கலைக்கழகம் வெளியிட்டிருக்கும் செய்தி குறிப்பில் தெரிவித்துள்ளது.