கோவை: மாநகரில் குற்றச் சம்பவங்கள் வெகுவாக குறைந்துள்ளது!

கோவை மாநகரில் ரவுடிகளை ஒழிக்க தீவிர நடவடிக்கை எடுக்கப்பட்டு வருவதாக மாநகர போலீஸ் கமிஷனர் சரவண சுந்தர் தெரிவித்துள்ளார். நேற்று செய்தியாளர்களிடம் பேசிய அவர், ரவுடிகளின் பட்டியல் தயாரிக்கப்பட்டு, அவர்கள் தீவிரமாக கண்காணிக்கப்பட்டு வருகின்றனர். குற்றச் சம்பவங்கள் நடப்பதை தடுக்க 24 மணி நேர ரோந்து பணி தொடங்கப்பட்டுள்ளது.
இதன் விளைவாக, மாநகரில் குற்றச் சம்பவங்கள் வெகுவாக குறைந்துள்ளன. கடந்த ஆண்டில் ஒரு மாதத்தில் 178 ஆக இருந்த குற்றச் சம்பவங்கள், தற்போது 128 ஆக குறைந்துள்ளது. இன்னும் ரோந்து பணியை அதிகரித்து குற்றச் சம்பவங்கள் நடப்பதை தடுக்க நடவடிக்கை எடுக்கப்படும் என்று தெரிவித்துள்ளார்.