கோவை: மூதாட்டி கொலை - ஆயுள் தண்டனை விதித்து தீர்ப்பு!

கோவை, தடாகம் பகுதியில் தனியாக வசித்த 70 வயது மூதாட்டியை கடந்த 2021 - ம் ஆண்டு ஆதாயத்திற்காக கொலை செய்த குற்றத்திற்காக கருப்பையா @ வினோத் (25) என்பவர் மீது தடாகம் காவல் நிலையத்தில் வழக்குப் பதிவு செய்யப்பட்டு, இந்த வழக்கின் விசாரணை கோவை மகிளா நீதிமன்றத்தில் நடைபெற்று வந்தது. இவ்வழக்கின் விசாரணை நேற்று முடிவு பெற்று குற்றவாளி கருப்பையா @ வினோத் என்பவருக்கு ஆயுள் சிறை தண்டனை மற்றும் ரூ. 1500/- அபராதம் விதித்து நீதிபதி தீர்ப்பு வழங்கினார்.
இவ்வழக்கினை சிறந்த முறையில் புலன் விசாரணை மேற்கொண்ட புலன் விசாரணை அதிகாரி மற்றும் சாட்சிகளை நீதிமன்றத்தில் சிறந்த முறையில் ஆஜர்படுத்திய நீதிமன்ற காவலர் தமிழரசன் ஆகியோர்களை கோவை மாவட்ட காவல் கண்காணிப்பாளர் கார்த்திகேயன் பாராட்டினார்.