விஜயதாரணி பாஜகவில் மாட்டிக்கொண்டார் - செல்வப்பெருந்தகை

அப்போவே சொன்னேன், சொல்லியும் கேட்காமல் போய் விஜயதாரணி மாட்டிக்கொண்டார் என செல்வப்பெருந்தகை தெரிவித்துள்ளார்

பாஜக கூட்டம் ஒன்றில் மேடையில் பேசிய விஜயதாரணி, இருப்பதையும் விட்டுவிட்டு பாஜகவில் இருக்க வேண்டும் என்பதற்காக வந்திருக்கிறேன். எந்த எதிர்பார்ப்பும் இல்லாமல் எல்லாம் வரல. எதிர்பார்ப்போடு தான் வந்தேன். எல்லோரும் நான் எதிர்பார்ப்பு இல்லாமல் வந்தேன் என நினைத்துக் கொண்டிருந்தீர்கள் என்றால் அது தப்பு என தெரிவித்தார். விஜயதாரணியின் பேச்சு பாஜகவில் பதவி கொடுக்காத அதிருப்தியை வெளிப்படுத்துவதாக இருந்ததாக பேசப்பட்டது.  

இந்நிலையில் விஜயதாரணி பேச்சு குறித்து காங்கிரஸ் கமிட்டி தலைவர் செல்வப்பெருந்தகையிடம் செய்தியாளர்கள் கேள்வி எழுப்பினர். அதற்கு பதிலளித்த அவர், உள்ளே இழுத்து கதவை சாத்தி விட்டார்கள். நான் அப்பவே சொன்னேன். அரை மணி நேரம் பேசினேன். நீங்க போற இடம் சரியான இடம் இல்லம்மா வேண்டாம். சட்டமன்ற உறுப்பினர் பதவியும் போகப்போகுது, அங்கு மரியாதை இருக்காது என்று சொன்னேன். இந்த தேசத்திற்கு துரோகம் செய்து கொண்டிருப்பவர்கள் அவர்கள் வேண்டாம் மாட்டிக் கொள்ளாதீர்கள் என்று சொல்லியும் கேட்காமல் போய் மாட்டிக் கொண்டார்கள் என தெரிவித்தார்.