சென்னை: விஜயை பார்த்து பிரமித்த தந்தை எஸ்.ஏ. சந்திரசேகர்

மாஸ் ஹீரோ விஜயின் தமிழக வெற்றி கழக கட்சியின் முதல் மாநாடு கடந்த மாதம் 27ஆம் தேதி விக்கிரவாண்டியில் நடைபெற்றது. இந்த மாநாட்டில் விஜய் பேசிய பேச்சு தமிழக அரசியலில் பெரும் பேசுபொருளானது. இதுகுறித்து அவரது தந்தை நடிகர் இயக்குனருமான எஸ்.ஏ. சந்திரசேகர் கூறியதாவது: 

"மாநாட்டில் விஜய் இப்படி பேசுவார் என்று நான் நினைக்கவே இல்லை. என் மகனை சினிமாவில் நடித்து பார்த்திருக்கிறேன். ஆனால் மேடையில் அப்படி பேசியதை பார்த்து பிரமித்து விட்டேன். என்னை அறியாமல் நான் கைதட்ட ஆரம்பித்துவிட்டேன். மனதில் இருக்கும் வேகமும் சமூகத்துக்கு ஏதாவது செய்ய வேண்டும் என்ற தாகம் என அனைத்தும் சேர்ந்துதான் விஜயை அப்படி பேச வைத்தது" என்று கூறினார்.