சென்னை: விஜய் கட்சி மாநாட்டுக்கு செல்வேன்- விஷால்

இப்போது இருக்கின்ற அரசியல்வாதிகளை விட, விஜய் என்ன நல்லது செய்யப் போகிறார் என்று தமிழக வெற்றிக் கழக மாநாட்டில் மக்களோடு மக்களாக சென்று பார்ப்பேன். மாநாட்டுக்கு அழைப்பு தேவையில்லை. நானும் அரசியல்வாதி தான் என நடிகர் விஷால் தெரிவித்தார்.

சென்னை தேனாம்பேட்டையில் நாடு முழுவதும் ஆசிட் தாக்குதலால் பாதிக்கப்பட்டவர்களுக்கான நிகழ்ச்சியில் சிறப்பு விருந்தினராக நடிகர் விஷால் கலந்து கொண்டார்.

இதையடுத்து அவர் செய்தியாளர்களிடம் பேசுகையில்,  விஜய்யின் தமிழக வெற்றிக் கழக மாநாட்டில் கலந்து கொள்வீர்களா? உங்களுக்கு அழைப்பு ஏதேனும் வந்ததா? என கேட்க, அதற்கு விஷால், ஒரு வாக்காளராக தமிழக வெற்றிக் கழக மாநாட்டுக்குச் செல்வேன். ஓரமாக நின்று பார்ப்பதற்கு எதற்கு அழைப்பு.

இப்போது இருக்கின்ற அரசியல்வாதிகளை விட, அவர் என்ன நல்லது செய்யப் போகிறார் என்று தமிழக வெற்றிக் கழக மாநாட்டில் மக்களோடு மக்களாக சென்று பார்ப்பேன். மாநாட்டிற்கு அழைப்பு தேவையில்லை. தமிழக வெற்றிக் கழகத்தில் சேர்வேனா இல்லையா என்பது இரண்டாம்பட்சம். அவர் செயல்பாடுகள் என்ன? என்ன செய்வார் என்பதை பார்ப்போம். தமிழக வெற்றிக் கழக கட்சியில் இணைவது குறித்து இன்னும் முடிவெடுக்கவில்லை. சமூகப்பணி செய்பவர்கள் அனைவருமே அரசியல்வாதிகள்தான். அந்த வகையில் நானும் ஒரு அரசியல்வாதிதான் என்றார்.