நுழைவுச்சீட்டு வெளியானது - அரசு முக்கிய அறிவிப்பு

நான் முதல்வன் திட்டத்தின் கீழ் போட்டித் தேர்வுப் பிரிவானது அமைச்சர் உதயநிதி ஸ்டாலின் 07.03.2023 அன்று துவங்கி வைத்தார். இந்த பிரிவானது தமிழ்நாட்டு இளைஞர்கள் மத்தியஅரசு வேலைவாய்ப்புக்கான போட்டித் தேர்வுகளை எளிதாக அணுகும் வண்ணம் பல பயிற்சித் திட்டங்களை செயல்படுத்தி வருகிறது. இந்நிலையில், 'நான் முதல்வன்' திட்டத்தின் கீழ் யுபிஎஸ்சி தேர்வுக்கான ஊக்கத்தொகை வழங்க மதிப்பீடு தேர்வு செப்டம்பர் 10-ம் தேதி நடைபெறவுள்ளது. இந்நிலையில், இந்த தேர்வுக்கான நுழைவுச்சீட்டு இன்று (ஆக.30) வெளியிடப்பட்டுள்ளது. மதிப்பீட்டுத் தேர்வுக்கு விண்ணப்பித்திருக்கும் மாணவர்கள் நான் முதல்வன் இணையதளத்தில் நுழைவுச் சீட்டை பதிவிறக்கம் செய்து கொள்ளுமாறு தமிழ்நாடு அரசு தெரிவித்துள்ளது.