ఏలూరు: ప్రవేశాలకు గడువు తేదీ పొడిగింపు

ఆంధ్రప్రదేశ్ సార్వత్రిక విద్యాపీఠం, దూరవిద్యా విధానంలో నిర్వహిస్తున్న 10వ తరగతి, ఇంటర్ కోర్సుల్లో ప్రవేశాలకు గడువు తేదీని పొడిగించినట్లు డీఈవో అబ్రహం శుక్రవారం తెలిపారు. ఆయా కోర్సుల్లో ప్రవేశాలకు ఆన్‌లైన్లో దరఖాస్తు చేసుకోవడానికి ఈ నెల 25 వరకు గడువు ఉందని, ఈ నెల 26 నుంచి 29 వరకు రూ. 200 అపరాధ రుసుంతో, ఈ నెల 30, 31 తేదీల్లో రూ. 500 అపరాధ రుసుంతో దరఖాస్తు చేసుకోవచ్చన్నారు.