ప్రకృతి వ్యవసాయంపై రైతులకు అవగాహన

సూళ్లూరుపేట నియోజకవర్గం దొరవారిసత్రం మండలం తనయాలిలో బుధవారం ప్రకృతి వ్యవసాయంపై రైతులకు అవగాహన సదస్సు నిర్వహించారు. ముందుగా భూసార పరీక్షలు చేయించుకుని దానికి అనుగుణంగా భూ సారాన్ని పెంచుకునేందుకు కృషి చేయాలని తిరుపతి జిల్లా వనరుల కేంద్రం ఏవో కె. వి. శ్రీనివాస్ అన్నారు. రైతులు తమకున్న పొలంలో కొంత భాగంలోనైనా చిరు ధాన్యాల పంటలను సాగు చేయాలని సూచించారు. స్థానిక ఏవో జ్యోతిర్మయి, రైతులు పాల్గొన్నారు.