వెంకన్న ఆలయానికి పోటెత్తిన భక్తులు

చంద్రగిరి మండలం శ్రీనివాసమంగాపురంలో వెలసిన శ్రీకల్యాణ వేంకటేశ్వర స్వామివారి ఆలయానికి శనివారం పెద్దఎత్తున భక్తులు పోటెత్తారు. పెరటాసి మాసం రెండవ శనివారం సందర్భంగా ఆలయంలో ప్రత్యేక పూజా కార్యక్రమాలను నిర్వహించారు. ఉదయం స్వామివారిని సుప్రభావ సేవతో మేల్కొలిపి నిత్యకైంకర్యాలను చేపట్టారు. అనంతరం స్వామివారికి అభిషేక సేవను నిర్వహించి అలంకరించారు. మహిళలు ఆలయంలో నేతిదీపాలను వెలిగించి ప్రత్యేక పూజలు చేశారు.