తాడిపత్రి: అక్రమ భూకేటాయింపుపై విచారణ

తాడిపత్రి మున్సిపాలిటీకి చెందిన స్థలాన్ని ప్రైవేటు వ్యక్తులకు కట్టబెట్టడంపై రాష్ట్ర ప్రభుత్వం విచారణకు ఆదేశించింది. 2012లో పురపాలక సంఘం ఇన్ఛార్జి కమిషనర్ గా ఉన్న డీఈ కె. జయభారత్ రెడ్డి నిబంధనలకు విరుద్ధంగా 25. 09 ఎకరాల మున్సిపాలిటీ భూమిని ఓ వ్యక్తికి కేటాయించారనే ఆరోపణలు ఉన్నాయి. ఈ అంశంపై విచారణ చేయడానికి మున్సిపల్ ఆర్డీ విశ్వనాథను నియమించారు. ఈ మేరకు రాష్ట్ర ప్రభుత్వం గురువారం జీవో జారీ చేసింది.