లక్ష్మీనరసింహస్వామి దేవస్థానంలో స్వామివారికి పంచామృతాభిషేకం

కనిగిరిలోని లక్ష్మీనరసింహస్వామి ఆలయంలో ఆదివారం స్వాతి నక్షత్రం సందర్భంగా స్వామివారికి పంచామృత అభిషేక కార్యక్రమాన్ని కన్నుల పండుగగా నిర్వహించారు. ఆలయ చైర్మన్ కుందూరు తిరుపతిరెడ్డి ఆధ్వర్యంలో, ప్రధాన అర్చకులు వంశీకృష్ణ శర్మ స్వామివారికి పంచామృతాభిషేక కార్యక్రమాన్ని నిర్వహించగా భక్తులు తరలివచ్చి స్వామివారికి అభిషేకం చేశారు. అభిషేక కార్యక్రమం అనంతరం భక్తులకు తీర్థ ప్రసాదాలను పంపిణీ చేశారు.