అర్ధవీడు: 20 మందిపై బైండవర్ కేసులు

అర్ధవీడు మండలం మాగుటూరు గ్రామంలో మద్యం బెల్టు షాపు కొరకు బహిరంగంగా వేలం వేసిన గ్రామస్తులపై పోలీసులు బైండోవర్ కేసులు నమోదు చేశారు. బుధవారం ఎస్ఐ సుదర్శన్ స్థానిక ఎమ్మార్వో వద్ద వారిని బైండవర్ చేసి రూ. 5 లక్షల పూచికత్తుపై 20 మందికి నోటీసులు జారీ చేశారు. గ్రామంలో మద్యం బెల్ట్ షాపు నిర్వహించుకునేందుకు రూ. 7 లక్షలకు ఓ వ్యక్తి వేలం పాటలో దక్కించుకున్న విషయం ఆలస్యంగా వెలుగులోకి వచ్చింది.