సింగరాయకొండ: భారీగా బంగారం చోరీ

ప్రకాశం జిల్లా సింగరాయకొండలోని మూలగుంటపాడులో భారీ దొంగతనం జరిగింది. విద్యానగర్ 8వ లైనులో రమణా రెడ్డి కుటుంబం నివాసముంటున్నారు. దసరా సందర్భంగా కుటుంబ సమేతంగా తమ బంధువుల ఊరికి వెళ్లారు. ఈ క్రమంలో దొంగలు ఇంట్లోకి చొరబడి బీరువాలో ఎనిమిదిన్నర సవర్ల బంగారు ఆభరణాలు రూ. 1. 05 లక్ష నగదు అపహరించారు. సోమవారం ఊరి నుంచి వచ్చిన రమణా రెడ్డి దొంగతనం విషయాన్ని గుర్తించి పోలీసులకు ఫిర్యాదు చేశారు.