గొంతువాపు వ్యాధి నివారణకు టీకాలు

పశువుల్లో వచ్చే గొంతువాపు వ్యాధి నివారణకు టీకాలు వేయించాలని పశువైద్యాధికారి మనోరంజన్ ప్రతాప్ తెలిపారు. మంగళవారం ఆళ్లగడ్డ నియోజకవర్గం రుద్రవరం మండల పరిధిలో గల శ్రీరంగాపురంలో పశువుల్లో వచ్చే గొంతు వాపు వ్యాధి నివారణకు టీకాల కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ 3 నెలల దూడల నుంచి పశువులకు టీకాలు వేస్తున్నామన్నారు. జూన్ 15 వరకు టీకాలు వేసే కార్యక్రమాన్ని నిర్వహిస్తామని తెలిపారు.