హత్యకు గురైన వ్యక్తి ఆచూకీ లభ్యం

పమిడిముక్కల మండల కేంద్రమైన వీరంకిలాకులో హత్యకు గురైన వ్యక్తి ఆచూకీని పోలీసులు ఎట్టకేలకు కనుగొన్నారు. శనివారం రాత్రి వీరంకిలాకులోని బస్సు షెల్టర్ లో ఓ వ్యక్తి హత్యకు గురైన విషయం ఆదివారం వెలుగు చూచింది. దీనితో రంగంలోకి దిగిన పోలీసులు పైడికొండలపాలెంకు చెందిన గుమ్మడి ప్రకాష్ రావును తలపై నాపరాయితో కొట్టి చందవొలు రాజశేఖర్ చంపిన విషయాన్ని కనుగొన్నారు. పోలీసులు కేసు నమోదు చేసి దర్యాప్తు చేస్తున్నారు.