ఎడ్ల బండిని ఢీకొని వాహనదారుడికి గాయాలు

తోట్లవల్లూరు మండలం భద్రిరాజుపాలెం కరకట్ట మీద గురువారం రాత్రి ఇసుక ఎడ్ల బండిని ఢీకొని వాహనదారుడికి గాయాలు అయ్యాయి. అదే గ్రామానికి చెందిన బాజీ బైక్ పై తోట్లవల్లూరు సెంటర్ కు వస్తుండగా మార్గమధ్యంలో ఎడ్ల బండి అడ్డు రావడంతో దాన్ని ఢీకొని గాయాల పాలయ్యాడు. సంఘటన స్థలానికి చేరుకుని పోలీసులు గాయాల పాలైన బాజీని ఆసుపత్రికి తరలించారు. రాత్రి సమయంలో ఎవరైనా ఎడ్లబండ్లపై అక్రమంగా ఇసుక తరలిస్తే కఠిన చర్యలు తీసుకుంటామన్నారు.