భూ కేటాయింపుల పరిశీలనకు మంత్రివర్గ ఉపసంఘం

సీఆర్డీఏ పరిధిలో వివిధ ప్రభుత్వ రంగ సంస్థలకు భూ కేటాయింపుల అంశాన్ని పరిశీలించేందుకు.. ఆరుగురు మంత్రులతో మంత్రివర్గ ఉప సంఘాన్ని ఏర్పాటు చేసిందని రాష్ట్ర సమాచార పౌర సంబంధాలశాఖ మంత్రి కొలుసు పార్ధసారధి తెలిపారు. ఈ మేరకు ఆయన క్యాంపు కార్యాలయం శక్రవారం ఒక ప్రకటన విడుదల చేసింది. ఉప సంఘంలో మంత్రులు పయ్యావుల కేశవ్, పి. నారాయణ, కొల్లు రవీంద్ర, సంధ్యారాణి, కందుల దుర్గేశ్, టీజీ భరత్ లు సభ్యులుగా ఉంటారని తెలిపారు.