మచిలీపట్నం: శక్తి పటాల ఊరేగింపు విజయవంతంగా ముగింపు
మచిలీపట్నంలోని దసరా నవరాత్రుల సందర్భంగా చివరి రోజు శక్తి పటాల ఊరేగింపు విజయవంతంగా ముగిసిందని నగర డి. ఎస్. పి అబ్దుల్ సుభాన్ ఆదివారం తెలిపారు. నగరంలో మొత్తం 42 శక్తి పటాలు దేవాలయాల నుంచి కోనేరు సెంటర్ వరకు భారీ ఊరేగింపు నిర్వహించారని, ఎటువంటి అవాంఛనీయ సంఘటనలు జరగకుండా ముందస్తుగా పటిష్ట బందోబస్తు ఏర్పాటు చేశామన్నారు. కవ్వింపు చర్యల మినహా ప్రశాంత వాతావరణంలో ఊరేగింపులు ముగిసాయని అన్నారు.
