చెరుకుపల్లిలో భారీ వర్షం

చెరుకుపల్లిలో మంగళవారం వర్షం దంచి కొట్టింది. ఉదయం నుండి ఆకాశం మేఘావృతమై చల్ల గాలులు వీచాయి. మధ్యాహ్న సమయంలో ఒక్కసారిగా భారీ వర్షం కురిసింది. ఇటీవల కురుస్తున్న వర్షాలకు చెరుకుపల్లి అంబేద్కర్ సెంటర్లో రహదారి గోతులమయంగా మారింది. ఈ రహదారిలో గూడ్స్ వెహికల్స్, కంటైనర్స్ తిరుగుతూ ఉండటంతో గుంతలను పూడ్చాలని వాహనదారులు కోరుతున్నారు. అకస్మాత్తుగా కురిసిన వర్షానికి వాహనదారులు తీవ్ర ఇబ్బందులకు గురయ్యారు.