JRG: అనుమానాస్పద స్థితిలో దుకాణం దగ్ధం

జంగారెడ్డిగూడెం మండలం లక్కవరం గ్రామంలోని స్థానిక మద్యం దుకాణం పక్కన ఉన్న పాన్ షాపులో గురువారం తెల్లవారుజామున అగ్నిప్రమాదం జరిగింది. గుర్తు తెలియని వ్యక్తులు తగలబెట్టారని షాపు యజమాని ఆరోపించారు. వైన్ షాప్ చుట్టూ గత ప్రభుత్వంలో తాత్కాలికంగా ఏర్పాటు చేసుకున్న దుకాణాలు ఎక్కువగా ఉండటంతో మందు బాబులు ప్రతిరోజు గొడవలు పడుతూ గందరగోళం సృష్టిస్తున్నారని చెప్పారు. లక్కవరం పోలీసులు దర్యాప్తు చేస్తున్నారు.