రాజమండ్రి: మోటార్ సైకిల్స్ చోరీచేస్తున్న వ్యక్తి అరెస్ట్

మోటార్ సైకిల్స్ చోరీచేస్తున్న వ్యక్తిని రాజమండ్రి ఒకటవ పట్టణ పోలీసులు శనివారం అరెస్టు చేశారు. వివరాల్లోకి వెళ్తే సీఐ మురళీకృష్ణ తన సిబ్బందితో స్థానిక ఊర్వశి థియేటర్ వద్ద వాహనాల తనిఖీ చేపట్టారు. ఈ నేపథ్యంలో కృష్ణాజిల్లా పామర్రు మండలం మల్లవరానికి చెందిన సిహెచ్ రమేష్ ను అదుపులోకి తీసుకున్నారు. అతడి వద్ద నుంచి రూ. 9. 98 లక్షల విలువైన 22 మోటార్ సైకిల్స్ స్వాధీనం చేసుకున్నట్లు పోలీసులు వివరించారు.