కొబ్బరి చెట్టుపై పిడుగు పాటు

గండేపల్లి మండలం తాళ్లూరులో మంగళవారం ఒక్కసారిగా ఆకాశం మేఘావృతమై ఉరుములు, మెరుపులు రావడంతో గ్రామస్తులు భయభ్రాంతులకు లోనయ్యారు. అదే సమయంలో గ్రామానికి చెందిన పాలచర్ల సత్యనారాయణ పశువుల శాలలో ఉన్న కొబ్బరిచెట్టుపై పిడుగు పడి మంటలు వ్యాపించాయి. ఇంతలో హోరున భారీ వర్షం పడడంతో మంటలు తగ్గుముఖం పట్టి పొగ కమ్మేసింది. దీంతో ఎటువంటి ప్రమాదం చోటు చేసుకోకపోవడంతో అక్కడున్న వారు ఊపిరిపీల్చుకున్నారు.