గండేపల్లిలో 14.5 కేజీల గంజాయి పట్టివేత

గండేపల్లి శివారున జాతీయ రహదారి వద్ద అక్రమంగా తరలిస్తున్న గంజాయిని గురువారం గండేపల్లి పోలీసులు పట్టుకున్నారు. ముందస్తు సమాచారం మేరకు గండేపల్లి ఎస్ఐ శివనాగబాబు తనిఖీలు చేయగా బైక్ పై ఇద్దరు వ్యక్తులు గంజాయి తరలిస్తుండటాన్ని గుర్తించారు. దీంతో వారిని అదుపులోకి తీసుకుని వారి నుంచి 14.5 కేజీల గంజాయి, బైక్ స్వాధీనం చేసుకున్నట్లు ఎస్ఐ మీడియాకు తెలిపారు. గంజాయి విలువ రూ.72,500 ఉంటుందన్నారు.