తిరుపతి: విద్యాసంస్థలకు నేడు సెలవు

బంగాళాఖాతంలో ఏర్పడిన అల్పపీడన ప్రభావంతో తిరుపతి జిల్లాలో భారీ వర్షాల సూచనల నేపథ్యంలో కోస్తా తీర మండలాలు సూళ్లూరుపేట, కోట, వాకాడు, చిల్లకూరు, తడ మండలాల్లోని అన్ని ప్రభుత్వ, ప్రైవేట్ పాఠశాలలు, జూనియర్ కళాశాలలు, అంగన్వాడీలకు సెలవు దినంగా ప్రకటిస్తున్నట్లు తిరుపతి జిల్లా కలెక్టర్ ఎస్ వెంకటేశ్వర్ మంగళవారం ఒక ప్రకటనలో తెలిపారు. అన్ని కళాశాలల, పాఠశాలల యాజమాన్యాలు ఆదేశాలను అమలు చేయాలని కలెక్టర్ ఆదేశించారు.