తిరుపతి: వైభ‌వంగా శ్రీ‌వారి గ‌రుడ‌సేవ‌

తిరుమల శ్రీవారి బ్రహ్మోత్సవాల్లో ఐదో రోజైన మంగ‌ళ‌వారం రాత్రి శ్రీమలయప్పస్వామివారు త‌న‌కు ఎంతో ప్రీతిపాత్ర‌మైన గ‌రుడ వాహ‌నంపై లక్ష్మీకాసుల మాల ధరించి భ‌క్తుల‌కు అభ‌య‌మిచ్చారు. వాహనం ముందు గజరాజులు నడుస్తుండగా, జీయ్యంగార్ల ఘోష్టితో స్వామివారిని కీర్తిస్తుండగా, మంగళ వాయిద్యాల నడుమ స్వామివారి వాహనసేవ కోలాహలంగా జరిగింది. భక్తులు అడుగడుగునా కర్పూరహారతులు సమర్పించి శ్రీవారిని దర్శించుకున్నారు.