రొంపిచర్ల: వర్షం దెబ్బకు వరి పంట నష్టపోయిన రైతన్న

అల్పపీడన ప్రభావంతో ఇటీవల కురిసిన వర్షాలకు పుంగనూరు నియోజకవర్గం రొంపిచర్ల మండలం చల్లావారి పల్లెలో మునిరాజా అనే రైతు తన వరి పంటను నష్టపోయాడు. ఆయన పొలంలో వరి సాగు చేశాడు. కోత దశలో ఉండగా పొలంలో నీళ్లు చేరి మొలకలు వచ్చాయి. పంట దెబ్బతిన్న కారణంగా 30 బస్తాలు రావలసిన వరి దిగుబడి 20 బస్తాలు వచ్చిందని రైతు గురువారం ఆవేదన వ్యక్తం చేశారు. పశుగ్రాసంగా కూడా తడిచిపోయిన గడ్డి పనికిరాకుండా పోయిందని వాపోయాడు.