సదుం మండలంలో ర్యాలీ నిర్వహించిన బలిజ సంఘం నాయకులు

పుంగనూరు నియోజకవర్గం,సదుం మండల కేంద్రంలో బలిజ సంఘం నాయకులు సోమవారం భారీ ర్యాలీ నిర్వహించారు. ఈ సందర్భంగా వారు శ్రీకృష్ణదేవరాయల చిత్రపటానికి పూలమాలలు వేసి ఘన నివాళులర్పించారు. అనంతరం బస్టాండ్ కూడలి నుంచి ర్యాలీగా ఎమ్మార్వో కార్యాలయానికి వెళ్లారు. రాయల విగ్రహ ఏర్పాటుకు స్థలాన్ని మంజూరు చేయాలని అధికారికి వినతి పత్రం అందజేశారు. ఈ కార్యక్రమంలో పెద్ద సంఖ్యలో బలిజ సంఘం నాయకులు పాల్గొన్నారు.