కోలాహలంగా దుర్గాదేవి నిమజ్జనం

శరన్నవరాత్రి ఉత్సవాలను పురస్కరించుకొని కుప్పం పట్టణంలోని ప్యాలెస్ ఏరియాలో ఏర్పాటుచేసిన దుర్గాదేవి విగ్రహాన్ని ఆదివారం నిమజ్జనం చేశారు. కుప్పం హిందూ ధర్మ పరిరక్షణ సమితి ఆధ్వర్యంలో తొమ్మిది రోజులపాటు దుర్గాదేవికి ప్రత్యేక పూజలు నిర్వహించారు. అనంతరం ఆదివారం సాయంత్రం అమ్మవారి విగ్రహాన్ని కుప్పం పట్టణ పురవీధుల్లో ఊరేగింపుగా తీసుకెళ్లి నిమజ్జనం చేశారు.