తుమ్మలగుంటలో నేడు గరుడ వాహన సేవ

తిరుపతి రూరల్ మండలం తుమ్మలగుంట శ్రీ కల్యాణ వేంకటేశ్వర స్వామి వారి బ్రహ్మోత్సవాల్లో ఐదవ రోజు మంగళవారం రాత్రి గరుడవాహన సేవకు అన్ని ఏర్పాట్లు సిద్ధం చేశారు. తుమ్మలగుంట గ్రామంతో పాటు చుట్టు పక్కల గ్రామాలు, తిరుపతి నగరం నుంచి ఎక్కువ మంది భక్తులు గరుడ వాహన సేవకు తరలి వచ్చే అవకాశం ఉందని అంచనా వేశారు. గతంలో జరిగిన ఉత్సవ ఏర్పాట్లను దృష్టిలో పెట్టుకొని ఎక్కడా ఎలాంటి ఇబ్బందీ లేకుండా పటిష్ట చర్యలు తీసుకున్నారు.