లారీని ఢీకొన్న మరో లారీ
రాజంపేట బైపాస్ రోడ్ లోని వై జంక్షన్ సమీపంలో సోమవారం రోడ్డు ప్రమాదం జరిగింది. పోలీసుల వివరాల ప్రకారం ముందు వెళ్తున్న లారీని వెనక వస్తున్న మరో లారీ ఢీ కొట్టింది. ఈ ప్రమాదంలో క్యాబిన్ లో ఇరుక్కున్న డ్రైవర్ యల్లయ్య (55)కు తీవ్ర గాయాలయ్యాయి. విషయం తెలుసుకున్న రాజంపేట ఫైర్ సిబ్బంది పోలీసులు అతన్ని బయటకు తీశారు. డ్రైవర్ పరిస్థితి విషమంగా ఉండటంతో తిరుపతి ఆసుపత్రికి తరలించారు.
