చంద్రగిరిలో గాయత్రి దేవిగా అలంకరణలో మహేశ్వరి దేవి

పెనుకొండ మండలం చంద్రగిరిలో శ్రీగిరి మహేశ్వరి శక్తిపీఠంలో వెలసిన మహేశ్వరి దేవి శుక్రవారం గాయత్రి అలంకరణలో దర్శనమిచ్చారు. దేవి శరన్నవరాత్రుల్లో భాగంగా రెండవ రోజు మహేశ్వరి దేవిని గాయత్రి దేవిగా అలంకరించి విశేష పూజలు నిర్వహించారు. శ్రీగిరి పీఠాధిపతి దేవేంద్ర స్వామి ఆధ్వర్యంలో అమ్మవారికి కలశారాధ, పుష్పాలంకరణ, చండీ హోమం, మహా మంగళహారతి ఇచ్చి పూజలు నిర్వహించారు. అనంతరం భక్తులకు తీర్థ ప్రసాదాలు అందజేశారు.