డోర్నకల్: వావ్.. కనక దుర్గమ్మ రూపంలో బతుకమ్మలు

డోర్నకల్ మండలం ఉయ్యాలవాడ గ్రామంలో గురువారం రాత్రి స్థానికులను బతుకమ్మలు ఎంతగానో ఆకట్టుకున్నాయి. అక్కడి ఆడపడుచులంతా కలిసి బతుకమ్మలను కనక దుర్గమ్మ రూపంలో రకరకాల పూలతో పేర్చి తయారు చేశారు. బతుకమ్మలను పేర్చిన ఆడపడుచులకు తాళ్లూరి బాబు ఉత్సవ కమిటి వారు బహుమతులను అందజేశారు. దీనితో గ్రామంలో సందడి వాతావరణం నెలకొని పండుగలా మారింది. ఈ కార్యక్రమంలో గ్రామ ప్రజలు, యువత తదితరులు పాల్గొన్నారు.