రెండు బైకులు ఢీ.. ఇద్దరు యువకులు మృతి

మునుగోడు మండల పరిధిలోని చోల్లేడు గ్రామ శివారులో శుక్రవారం రోడ్డు ప్రమాదం జరిగింది. రెండు ద్విచక్ర వాహనాలు ఎదురెదురుగా ఢీ కొన్న ఘటనలో ఇద్దరు యువకులు అక్కడికక్కడే మృతి చెందగా, మరో యువకుడికి తీవ్ర గాయాలయ్యాయి. మృతులు మునుగోడుకు చెందిన నాగరాజు, మర్రిగూడ మండలం నర్సిరెడ్డి గూడెంకి చెందిన ఆంజనేయులుగా గుర్తించారు. తీవ్ర గాయాలైన నరేష్ ను 108 వాహనంలో నల్గొండ ప్రభుత్వాసుపత్రికి తరలించారు.