ఐకెపి సెంటర్లో ప్రమాదం.. రైతు మృతి

కరీంనగర్ జిల్లా తిమ్మాపూర్ మండలం వచ్చునూర్ గ్రామానికి చెందిన ఉప్పులేటి మెండయ్య తాను పండించిన ధాన్యాన్ని రాత్రి వేళలో తూకం వేసి బస్తాల ప్రక్కన నిద్రిస్తున్నాడు.
తెల్లవారుజామున వడ్ల లోడుతో ఉన్న ట్రాక్టర్ మిల్లుకు పోతుండగా పరదలు కప్పుకొని పక్కనే నిద్రిస్తున్న ఉప్పులేటి మెండయ్య, ట్రాక్టర్ డ్రైవరు గమనించక మెండయ్య మీద నుంచి వెళ్లడంతో మెండయ్య అక్కడికక్కడే మృతి చెందాడు. వచ్చునూర్ గ్రామంలో రాత్రిపూటనే వడ్లు కొనుగోలు చేస్తారని రైతులు చెప్తున్నారు. సంఘటన స్థలానికి చేరుకున్న ఎల్ఎండిఎస్ఐ ప్రమోద్ రెడ్డి మృతదేహాన్ని పోస్టుమార్టం నిమిత్తం కరీంనగర్ ప్రభుత్వ ఆస్పత్రికి తరలించారు. మృతుడి కొడుకు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని తెలిపారు.