సర్పంచ్ ఎల్లంను పరామర్శించిన ఎంపీ కొత్త ప్రభాకర్ రెడ్డి

సికింద్రాబాద్ లోని యశోద ఆసుపత్రిలో అనారోగ్యంతో చికిత్స పొందుతున్న తొగుట మండలంలోని గోవర్ధనగిరి గ్రామ సర్పంచ్ తోయేటి ఎల్లంను మెదక్ ఎంపీ కొత్త ప్రభాకర్ రెడ్డి పరామర్శించారు. ఈ సందర్భంగా హాస్పిటల్ సిబ్బంది వైద్యులతో మాట్లాడుతూ మెరుగైన వైద్యం అందించాలని వైద్యులను ఆదేశించారు. అనారోగ్యంపై చింత పెట్టుకోవద్దని, త్వరలోనే ఆరోగ్యం బాగు అవుతుందని, తన కుటుంబానికి పార్టీ పక్షాన వుంటానని హామీ ఇచ్చారు. మెరుగైన వైద్యం కోసం ప్రభుత్వం నుండి సహాయం అందిస్తామని తెలిపారు.