నిజామాబాద్: ఎమ్మెల్సీ ఓటరు నమోదు గడువు పొడిగించాలి

పట్టభద్రుల ఎమ్మెల్సీ ఎన్నికలకు సంబంధించి ఓటరు నమోదు గడువు పొడిగించాలని సీపీఐ నాయకులు డిమాండ్ చేశారు. పార్టీ జిల్లా కార్యాలయంలో జిల్లా కార్యదర్శి సుధాకర్ మంగళవారం విలేకరులతో మాట్లాడారు. మెదక్, నిజామాబాద్, కరీంనగర్, ఆదిలాబాద్ గ్రాడ్యుయేట్ ఎమ్మెల్సీ ఎన్నికల ఓటర్ నమోదు గడువు ఈనెల 6తో ముగుస్తుందన్నారు. ఈ గడువును ఈ నెలాఖరు వరకు పొడిగించాలని ఆయన కోరారు. నగర కార్యదర్శి వై ఓమయ్య, బి రఘురాం, హనుమాన్లు పాల్గొన్నారు.