కడెం ప్రాజెక్టు నుండి సుమారు 11 వేల క్యూసెక్కుల నీటిని అధికారులు దిగువకు విడుదల చేస్తున్నారు. ఎగువ ప్రాంతాలలో కురుస్తున్న భారీ వర్షాలకు కడెం ప్రాజెక్టులోకి వరద నీరు వచ్చి చేరుతోంది. అప్రమత్తమైన ఇరిగేషన్ అధికారులు ఉన్నతాధికారుల ఆదేశాల మేరకు ఆ ప్రాజెక్టులోని మూడు గేట్లను నాలుగు ఫీట్లు ఎత్తి సుమారు 11, 016 క్యూసెక్కుల నీటిని దిగువకు వదులుతున్నారు. ప్రాజెక్టు పరిసరాలలోకి ఎవరు వెళ్ళవద్దని వారు కోరారు.