అంగన్వాడిని సందర్శించిన ఎమ్మెల్యే

దమ్మపేట మండలం వెంకటాద్రిగూడెం గ్రామంలో అంగన్వాడీని స్థానిక ఎమ్మెల్యే జారే ఆదినారాయణ బుధవారం ఆకస్మికంగా సందర్శించారు. ఈ సందర్భంగా అక్కడ ఉన్న సిబ్బందితో స్టాక్ వివరాలు అడిగి తెలుసుకుని బాలింతలకు చిన్నారులకు మెరుగైన పౌష్టికాహారం అందించాలన్నారు. అనంతరం అంగన్వాడీ టీచర్ నూతన భవనాన్ని మంజూరు చేయాలని కోరగా ఎమ్మెల్యే సానుకూలంగా స్పందించి తప్పకుండా త్వరలోనే మంజూరు చేస్తామని చెప్పారు.