సిర్పూర్: రాజ్యాంగంలోని అయిదో షెడ్యూలు పకడ్బందీగా అమలుకు కృషి చేస్తాం

రాజ్యాంగంలోని అయిదో షెడ్యూలు పకడ్బందీగా అమలుకు కృషి చేస్తామని సిర్పూర్ ఎమ్మెల్యే డా. పాల్వాయి హరీష్ బాబు అన్నారు. పెంచికల్పేట్ మండలం పోతపెల్లి గ్రామంలో ఆదివారం కొమరం భీమ్ విగ్రహ ఆవిష్కరణ ఉత్సవంలో పాల్గొని మాట్లాడారు. రాజ్యాంగంలో ఆదివాసుల హక్కుల కోసం ప్రత్యేకంగా పొందుపరిచిన 5వ షెడ్యూలు తెలంగాణ రాష్ట్రంలో అమలు కావడంలేదని, గవర్నర్కు ఈ విషయంలో ఫిర్యాదు చేసి ఆదివాసుల హక్కులను కాపాడుతామని హామీ ఇచ్చారు.