இன்று முதல் நாடாளுமன்ற குளிர்கால கூட்டத்தொடர்

நாடாளுமன்ற குளிர்கால கூட்டத்தொடர் இன்று (நவ.25) தொடங்கி டிச.20ம் தேதி வரை நடைபெறுகிறது. குளிர்கால கூட்டத் தொடரில் அதானி மீதான அமெரிக்காவின் புகார் உள்ளிட்ட முக்கிய பிரச்சனைகளை எழுப்ப எதிர்க்கட்சிகள் திட்டமிட்டு இருப்பதாக கூறப்படுகிறது. வக்பு சட்ட திருத்த மசோதா உள்ளிட்ட 16 மசோதாக்களை மத்திய அரசு பட்டியலிட இருப்பதாக தகவல் வெளியாகியுள்ளது. வணிக கப்பல், கடலோர கப்பல் போக்குவரத்து, துறைமுகம் குறித்த மசோதாக்களும் விவாதத்துக்கு பிறகு நிறைவேற்றப்பட உள்ளன.