నేలకొండపల్లి: తాగునీటి కోసం రోడ్డెక్కిన గ్రామస్తులు

నేలకొండపల్లి మండలం పైనంపల్లి ఎస్సీ కాలనీలో నెలకొన్న తాగునీటి సమస్యను పరిష్కరించాలని కోరుతూ సోమవారం కోదాడ -ఖమ్మం జాతీయ రహదారిపై బిందెలతో స్థానికులు రాస్తారోకో నిర్వహించారు. తాగునీటి సమస్యను పరిష్కరించాలని కోరుతున్న ఇప్పటివరకు అధికారులు ఎటువంటి చర్యలు తీసుకోవడం లేదని స్థానికులు ఆరోపించారు. ఇప్పటికైనా అధికారులు స్పందించి సమస్యను పరిష్కరించాలని కోరారు. రహదారిపై రాస్తారోకో చేయడంతో ట్రాఫిక్ జాం అయింది.