కూసుమంచి: 150 క్వింటాళ్ల రేషన్ బియ్యం పట్టివేత

కూసుమంచి: మండలంలోని మల్లేపల్లిలో అక్రమ రవాణాకు సిద్ధంగా ఉన్న 150 క్వింటాళ్ల రేషన్ బియ్యాన్ని ఖమ్మం టాస్క్ ఫోర్స్, కూసుమంచి పోలీసులు సంయుక్తంగా దాడి చేసి పట్టుకున్నారు. ఒక లారీ, మరో వ్యానులో రవాణాకు సిద్ధంగా ఉంచారు. సమాచారం తెలుసుకున్న పోలీసులు శనివారం తెల్లవారుజామున దాడులు నిర్వహించి పట్టుకున్నారు. వాహనాలను కూసుమంచి పోలీస్ ఠాణాకు తరలించారు.