ప్రభుత్వ డిగ్రీ కళాశాల అభివృద్ధికి పూర్వ విద్యార్థుల సభ్యత్వ నమోదు

జగిత్యాల జిల్లా కోరుట్ల ప్రభుత్వ డిగ్రీ కళాశాల పూర్వ విద్యార్ధుల సంఘం సభ్యత్వ నమోదును పూర్వ విద్యార్థి అయినటువంటి కోరుట్ల తహశీల్ధార్ నడి మెట్ల సత్యనారాయణ ఆదివారం ప్రారంభించడం జరిగింది. ఈ కార్యక్రమంలో కోరుట్ల ప్రభుత్వ డిగ్రీ కళాశాలను అభివృద్ధిలో నడిపేందుకు తమ వంతుగా పూర్వ విద్యార్థులందరూ కలిసి సహాయ సహకారాలు అందించాలని, అభివృద్ధిలో ముందుండేలా కృషి చేయాల్సిన అవసరం ఉందని తెలపడం జరిగింది. ఈ కార్యక్రమంలో అధ్యక్షులు చెన్న విశ్వనాథం, ప్రధాన కార్యదర్శి బూర్ల నరేష్, కోశాధికారి మనోజ్ కుమార్, కోటగిరి ప్రసాద్, ముక్క చిన్న ధర్మరాజు, అధ్యాపకులు జయప్రసాద్, మల్లికార్జున్ తదితరులు పాల్గొన్నారు.