కామారెడ్డి జిల్లాలో రోడ్డు ప్రమాదం.. వృద్ధురాలు మృతి

పెద్ద కొడప్గల్ మండలం జగన్నాథ పల్లి జాతీయ ప్రధాన రహదారి 161 పై శుక్రవారం రోడ్డు ప్రమాదంలో మహిళ మృతి చెందింది. వివరాల్లోకి వెళ్తే శాంతాపూర్ గ్రామానికి చెందిన ఒడ్డింటి గంగవ్వ(70), ఆమె కుమారుడు పోచయ్య (50) తో చేను పనులు ముగించుకొని తిరిగి వెళ్తుండగా వెనకాల నుండి వచ్చిన కారు ఢీ కొట్టింది. ఈ ఘటనలో గంగవ్వ అక్కడికక్కడే మృతి చెందగా పోచయ్యకు గాయాలయ్యాయని పోలీసులు తెలిపారు.