పిడుగు పడి కొబ్బరి చెట్టు దగ్ధం

బాన్సువాడ పట్టణంలో మహేశ్వరి థియేటర్లోని కొబ్బరి చెట్టు పై మంగళవారం రాత్రి పిడుగు పడింది. దీంతో మంటలు చెలరేగాయి. కొబ్బరి చెట్టుపై ఎండిన ఆకులు పూర్తిగా దగ్ధమయ్యాయి. కొబ్బరి చెట్టు పై పిడుగు పడి మంటలు చెలరేగడంతో ప్రజలు భయాందోళనలకు గురయ్యారు. చెట్టుకు దగ్గర్లో ఎవరూ లేకపోవడంతో ప్రమాదం తప్పింది. ఎలాంటి ప్రమాదం సంభవించకపోవడంతో ప్రజలు ఊపిరి పీల్చుకున్నారు.