కమలా హారిస్‌ ప్రచార కార్యాలయంపై అర్ధరాత్రి తుపాకులతో కాల్పులు

అమెరికా అధ్యక్షబరిలో డెమోక్రటిక్ పార్టీ తరఫున బరిలో నిలిచిన కమలా హారిస్‌ పార్టీ ప్రచార కార్యాలయంపై గుర్తుతెలియని వ్యక్తులు అర్థరాత్రి తుపాకులతో దాడులకు తెగబడ్డారు. అరిజోనాలో ఈ ఘటన జరిగింది. కార్యాలయంలోని సిబ్బంది వెంటనే పోలీసులకు సమాచారం ఇచ్చారు. ఘటనా స్థలానికి చేరుకుని దర్యాప్తు చేపట్టిన పోలీసులు.. కిటికీల వద్ద నుంచి కాల్పులు జరిపినట్లు తెలిపారు. కార్యాలయంలో ఎవరూ లేకపోవడంతో ప్రమాదం తప్పిందన్నారు.