ఇజ్రాయెల్‌తో ఉద్రిక్త పరిస్థితుల మధ్య విమానాలు రద్దు చేసిన ఇరాన్‌!

ఇజ్రాయెల్‌‌తో ఉద్రిక్త పరిస్థితుల నేపథ్యంలో ఇరాన్ తాజాగా అన్ని విమానాలను రద్దు చేసింది. ఇరాన్‌ కాలమానం ప్రకారం ఆదివారం రాత్రి 9 గంటల నుంచి సోమవారం ఉదయం 6 గంటల వరకు ఈ నిర్ణయం అమలులో ఉండనుంది. లెబనాన్‌ సైతం ఇదే నిర్ణయం తీసుకుంది. రాజధాని బీరుట్‌ నుంచి అన్ని విమానాలను రద్దు చేసింది. ఇజ్రాయెల్‌ ఏ సమయాన దాడి చేస్తుందోననే ఊహాగానాల నేపథ్యంలో ఇరాన్‌ ఈ నిర్ణయం తీసుకున్నట్లు తెలుస్తోంది.