హైదరాబాద్‌లో దారుణం.. యువతిపై అత్యాచారం చేసిన ఆటో డ్రైవర్

హైదరాబాద్‌: తనపై ఆటో డ్రైవర్ అత్యాచారం చేశాడని గచ్చిబౌలి పోలీసు స్టేషన్‌లో ఓ యువతి ఫిర్యాదు చేసింది. సోమవారం అర్ధరాత్రి ఆర్‌సీ పురం వద్ద తాను ఆటో ఎక్కినట్లు ఆమె పేర్కొంది. అర్ధరాత్రి సమయంలో మసీద్‌ బండ ప్రాంతానికి ఆటో చేరుకోగానే తనపై అత్యాచారం చేశాడని ఫిర్యాదులో తెలిపింది. ఆటో డ్రైవర్‌ పారిపోయినట్లు వెల్లడించింది. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. నిందితుడి కోసం గాలింపు చేపట్టారు.