సికింద్రాబాద్ ముత్యాలమ్మ గుడి వద్ద ఉద్రిక్తత

సికింద్రాబాద్ కుమ్మరిగూడలోని ముత్యాలమ్మ ఆలయం వద్ద శనివారం ఉద్రిక్త వాతావరణం నెలకొంది. ఒక్కసారి వేలాది మంది హిందువులు ఆలయానికి చేరుకోవడంతో పోలీసులు అడ్డుకున్నారు. ఆలయం వెనకాల మసీదు ఉండడంతో జై శ్రీరామ్ అంటూ నినాదాలు చేస్తూ అటువైపు వెళ్లేందుకు హిందూ సంఘాల నాయకులు ప్రయత్నించారు. దీంతో వారిని పోలీసులు అడ్డుకున్నారు. ఈ క్రమంలో వాగ్వాదం, తోపులాట జరగగా టెన్షన్ వాతావరణం నెలకొంది.